Nangin mainit nga topiko sa social media ang estado sang relasyon nanday Ellen Adarna kag Derek Ramsay matapos ang cryptic posts ni Ellen sa iya Instagram.
Isa sa mga post sang aktress ang natuhoy sa pagpangabudlay nga ginaatubang sang mga kababainhan nga nagaigi sa postpartrum kag kun kaisa ginatawag sila nga “crazy” ukon buang kag ginaangot naman ini sang mga netizen sa mga huring-huring nga nagbulaganay na ang mag-asawa.
Apang ginpanginwala ni Derek ang mga huringhuring paagi sa Instagram Story, sa diin ginpahayag sini nga dapat untatan na sang publiko ang pagpalapta sang mga sala nga impormasyon.
Gindepensahan man niya si Ellen kag ginpahayag nga loyal nga sahi sang asawa ini.
Apisar nga pareho sila nga nagahipos nahanungod sa matuod nga kahimtangan sang ila relasyon, padayon naman ang publiko nga naga-speculate ilabi na nga si Derek bag-o lang nagbiyahe nga nagaisahanon padulong sa Bali para sa isa ka self-improvement retreat.
Tubtob subong, wala pa sang kumpirmasyon gikan sa mag-asawa kun bala may yara ang mga ini sang problema.
