Napili ang beterano nga singer nga si Elton John bilang Icon of the Year sang TIME Magazine subong nga tuig.
Gin-anunsiyo ini sang American magazine kadungan sang posting sa ila nga social media account sang laragway sang singer.
Suno sa TIME nga sa masubra na 60 ka tuig sang singer kag actor ang indi mabayluhan ang nangin ambag sini sa mga pelikula kag kanta.
Naglab-ot sa 57 ang kanta sini nga nagsulod sa US Top 40 hits sumugod sadtong ini ang nagsugod pa sa pagkanta.
Magluwas pa diri ang pagdaug niya sang duha ka Oscars kag ang paghimu sang mga kanta sa mga Disney Movies.
Nagsugod nga magsikat ang singer sadtong 1970 kun sa diin naghiwat ini sang farewell tour sumugod 2018 tubtob 2023.
Matandaan nga ginbuyagag sang singer nga indi na ini nakakita bangud sa pag-angkon niya sang impeksyon sa mata.
Pila sa mga kanta nga ginpasikat niya amo ang “Your Song” , “Goodbye Yellow Brick Road”, “Rocket Man”, kag madamu pa.
