Magapatigayon sang 3rd Emergency Summit sa Abril 19 ang International humanitarian group nga We Care for Humanity.
Suno kay Bombo Joseph Timothy Rivera, International Correspondent direkta sa Qatar, tinutuyo sang nasambit nga peace summit amo ang pagpanawagan sang matawhay nga pag-istoryahanay kag permanente na nga ceasefire sa tunga sang mga pungsod nga involved.
Lakip man sa posible mangin topiko amo ang negosasyon sa report sang U.S. naval blockade nga nakaapekto sa pagbiyahe sang mga barko pakadto kag pahalin sa Iranian ports.
Pahayag pa niya, pagapasakupan ini sang 19 ka mga pungsod kag masobra 50 ka mga humanitarian leaders sa bilog nga kalibutan.
Nagalaum man ang natungdan nga maga-angkon sang positibo nga resulta ang nasambit nga peace summit para sa kalinong kag katawhay nga wala na sang madalahig nga sin-o man nga mga civilian sa tunga sang pag-ilinaway.
