Isa ka engineer sa Jiangsu Province, China ang gin-demanda ang iya anay nga employer matapos siya nga ginkakas sa obra bangud sa masami nga long bathroom break.
Suno sa kompanya, sa sulod sang 30 ka-adlaw, 14 ka beses nga nagadugay si Li sang tubtob apat ka oras sa banyo samtang naka-duty.
Depensa ni Li, may yara siya sang ginasupreher nga balatian nga hemorrhoids kag nagpakita sang medical records kag resibo sang mga bulong agud pamatud-an ang kondisyon. Nagpangayo siya sang 320,000 yuan ukon kabaylo sa masobra P2.6 million bilang danyos.
Apang, gindampigan sang korte ang employer kag ginsiling nga tam-an kalawig ang pag-CR ni Li kag wala niya ginpahibalo ang kondisyon ukon nag-file sang sick leave.
Sa ulihi, nagkasugot ang magtimbang nga bahin para sa settlement: ginhatagan si Li sang 30,000 yuan ukon katumbas sang P240,000 bilang bulig-pinansyal kag pagkilala iya nga serbisyo.
