ROXAS CITY – Nagpabalhag sa Roxas City Police Station ang isa ka empleyado sang Department of Public Works and Highways ukon DPWH matapos nga ginaalegar wala madeliver ang gin-order nga face shield sa isa ka online seller.
Ginkilala ang tagreklamo nga si Mark Jan Delantar 32-anyos sang Airport, Barangay Baybay, Roxas City.
Sandig sa ginpabalhag sang tagreklamo nga nag-order ini kay Anthony Divino sang face shield kun sa diin nagpadala pa ini sa pawnshop sang kwarta nga nagalab-ot sa P11,250.
Nahibaluan nga nakabaton pa ini sang text message gikan sa pawnshop nga nabaton na ni Divino ang kwarta apang tubtob subong wala pa sa gihapon nag-abot ang iya order.
Bangud diri, ginpakamaayo na lamang sang tagreklamo nga iparekord sa Roxas City PNP ang natabo