Empleyado sang gobyerno nakuryente patay sa banwa sang Panay

ROXAS CITY -Patay ang 33-anyos nga electrician matapos ginaalegar nakuryente sa housing sa Panayville Barangay Poblacion Panay Capiz.

Ginkilala ang biktima nga si Jaypee Barroa residente sang Barangay Daga, Panay Capiz.

Sandig sa insiyal nga impormasyon nga nakuha sang Bombo Radyo Roxas, nagatakod sang outlet ang biktima sa balay sang iya tiyo nga si Ken Barroa apang aksidente ini nga nakuryente bangod wala sini napatay ang main switch.

Ginapahayag nga basa sang balhas ang biktima sang aksidente nga makuryente bangud sa pagtakod sang outlet.

Gindala sa isa ka pribado nga ospital ang biktima apang gindeklarar nga dead on arrival.