ROXAS CITY – Ginbuyagyag sang isa ka empleyado sang isa ka lending company sa probinsya sang Capiz nga may mga kliyente sila nga naga-utang agud i-pay-in sa panibag-o naman nga double your money investment scheme sa syudad.
Sa exclusive interview sang Bombo Radyo kay ‘Sir Jun’ ginpahayag pa sini nga may nahibaluan ini nga mga katapo sang ‘men in uniform’ nga nagapay-in kag maestra ang isa sa nagadumala nga mga anay upline ni Don Chiyuto.
Apisar, nahibaluan niya nga igapay-in sa amu nga investment, ginapahanugutan man nila tubtob mga good payer ang mga ini.
Ginkumpirmar man sini sa iya mga abyan nga sang Enero sini nga tuig nagsugod ang double your money investment diri sa syudad kun sa diin pagkatapos sang 10, 15 ukon 30 days, magadoble ang kuwarta sang isa ka investor.
Apang, pagpati ni ‘Sir Jun’ nga laban-laban madamo naman sini ang matuntuhan.
Kuntani, dugang pa sini nga namadla na ang tawo sa naagyan nga mga scammers sa probinsya.
