Dakop ang isa ka empleyado sang local government unit sang Mambusao, Capiz sa ginkasa nga entrapment operation sa Sitio Proper, Barangay Tawog, Sigma, Capiz.
Ang subject person amo si alyas “Rene”, kag residente sang banwa sang Mambusao.
Sa interview sang Bombo RAdyo kay Police Major Narciso Sables Jr. , officer-in-charge sang Sigma Municipal Police Station, iya ginpahayag nga pinaagi sa nasambit nga operasyon, narekober sa paghinakop sang subject person ang isa ka brown nga sling bag nga may unod nga P823.25 nga cash kag tatlo ka bala sang 9mm nga armas.
Sa subong, yara sa kustodiya sang Sigma Municipal Police Station ang subject person nga magapangatubang sang kaso nga paglapas sa Presidential Decree No. 1602 nga gin-amyendar sang Republic Act No. 9287 may kaangtanan sa ilegal nga sugal, kag paglapas sa Section 28 sang Republic Act No. 10591 ukon Comprehensive Firearms and Ammunition Regulation Act.
