Engkwentro sa tunga sang NPA kag Militar nagluntad sa banwa sang Tapaz, Capiz

ROXAS CITY – Nagluntad naman ang  engkwentro sa tunga sang New People’s Army (NPA) kag Philippine Army sa Barangay Buri, Tapaz, Capiz.

Suno kay Major Cenon Pancito III, tagpamaba sang 3rd Infantry Division, Philippine Army nga pasado alas 4:00 kahapon nagluntad ang nasambit nga engkwentro samtang nagapatigayon ang militar sang combat operatio.

Naglab-ot naman sa 7 ka miyembro sang NPA ang nakaengkwentro sang militar sa nasambit nga lugar.

Maswerte naman nga wala sang napilasan nga militar kag nadalahig nga mga sibilyan.

Mahibaluan nga madasig naman nga nagpalagyo ang rebelde nga grupo matapos ang insidente.