Indi na mapunggan ang excitement sang mga fans sang English singer-songwriter nga si Harry Styles pagkatapos nga gin-anunsyo sini nga sa indi magdugay ipaguwa na niya ang iya ikaapat nga studio album.
Gintig-uluhan ini nga “Kiss All the Time. Disco, Occasionally” kag natalana nga ipaguwa sa Marso 6.
Ini ang first full-length project ni Harry sa sulod sang apat ka tuig.
Kasunod ini sang critically acclaimed synth pop record nga “Harry’s House” sang 2022, nga naghatag sa international singer sang pinakamataas nga kadungganan bilang Album of the Year sa 2023 Grammy Awards.
Sa social media, ginpakigbahin sang Former One Direction star ang cover sang bag-o nga album, nga makita siya nga naka-T-shirt kag jeans, kag nagatindog sa idalom sang nagasiga nga disco ball nga nagabitay sa guwa.
Suno sa press release, ang “Kiss All the Time. Disco, Occasionally” may 12 ka mga track kag gin-executive producer ni Kid Harpoon.
Si Kid isa man ka madugay na nga kabulig ni Harry halin sang pagsugod sang iya solo career kag nagbulig sa tanan niya nga mga album halin sang iya 2017 nga self-titled debut.
