Ginpasalig sang hepe sang maintenance and construction division sang Department of Public Works and Highways (DPWH) Capiz 1st Engineering District sang nga yara na sa priority listing ang pangalan ni Mr. Manny Alamodin, isa sa mga lot owner nga na-acquire para sa konstruksyon sang Roxas City Circumferential Road sa Barangay Dayao, sining syudad.
Ginpahayag ni Engr. Julius Abela nga personal ini nga nagpadulong sa DPWH Regional Office 6 para tsekyaron ang status sang claim ni Alamodin.
Gintuad man sang inhenyero nga ang rason nga na-delay ang pagbayad sang ahensiya sa lote ni Alamodin bangud na-atrasar man ang approval sang pondo sa general appropriation act kag sining karon lamang naaparubahan.
Ginpasalig man ni Abela nga mapadayon sang proyekto sa bulan sang Marso ukon Abril kun matapos na ang bidding kag mahatagan sang notice to proceed ang bidder.
Ginalauman nga matapos ang Roxas City Circumferential Road sa sulod sang anum ka bulan.
Matandaan nga nagareklamo na si Alamodin bangud sa kapaslawan sang DPWH nga mabayaran ang lote sini nga mangin kabahin sang circumferential road sa nasambit nga barangay.
