Ginkilala ang pagpangabudlay kag liderato ni Engr. Aida DC Calma, Chief Administrative Officer sang San Lazaro Hospital, matapos ini nga hatagan sang “Excellence in Engineering Advocacy & Cross-Sector Leadership Award.”
Sa interview sang Bombo Radyo kay Calma, iya ginpahayag daku ang iya pagpasalamat sa amo nga pagkilala kag ginpabutyag ang importansya sang pagpadayon sa engineering advocacy, pagpangulo kag pagserbisyo sa komunidad.
Nahibaluan nga si Calma isa ka Civil Engineer, Sanitary Engineer kag ASEAN Engineer.
Magluwas sa iya katungdanan sa San Lazaro Hospital, nagaserbi man siya bilang President sang Global League of Women Engineers kag National Secretary sang Integrated Society of Environmental & Sanitary Engineers of the Philippines ukon ISENSE PHILS.
Ang awarding ceremony pagahiwaton sa Nobyembre 7, 2026 sa The Heritage Hotel Manila sa Pasay City.
