Nagpathag ang general manager sang Capiz Electric Cooperative (CAPELCO) sa mga miyembro kunsumidor sang kooperatiba sa pagtaas sang generation charge nga makita sa electric bill.
Ginpahayag ni Engr. Edgar Diaz nga masami kun mag-abot ang summer season nagasaka ang generation charge bangud nagataas ang demand sa kuryente kag naganipis ang reserve.
Bangud diri ang mga power plant nga naka-standby sa normal season ang ginapaandar agud malikawan ang system overload ukon pagshut off sang whole system.
Ang masakit lamang diri kun gamiton ukon mag-andar ang ginakabig standby power plant, nga mahal ang pagsuluktan sang kuryente nga ginahaboy sini sa mga distribution facilities.
Bangud diri, ginaganyat ni Diaz ang mga kunsumidor nga magtipid sa paggamit sang kuryente sa diin kun indi man lamang kinahanglanon, mas maayo nga indi na pagpaandaron ang mga appliances sa ini nga pamaagi makabulig sa pagconserve sang kuryente.
Samtang ginklaro sang opisyal nga pareho sa ila mga kunsumidor istrikto man sa pagsuluktan sang balayaran sang Capelco nga isa ka distribution facility ang mga private power supplier nga amo ang nagasupply sa ila sang kuryente.
