ROXAS CITY – Ginpanginwala sang Maintenance and Construction division head sang Capiz 1st Engineering District sang Department of Public Works and Highways (DPWH) nga nagpangayo ang City Engineer’s Office (CEO) sang Certificate of Completion, isa sa mga rekisitos para makakuha sang construction permit.
Ginpahayag ni Engr. Julius Abela nga status report lamang sang ginpatigayon nga proyekto sa concreting of roads sa Barangay Dayao kag Culasi ang ginpangayo sang CEO sa talatapan.
Ginpanindugan ni Abela nga gin-imporma sini ang mga contractor nga magkuha sang construction permit sa city government antes magsugod sa ila nga proyekto.
Aminado ang inhenyero nga ginpa-untat ang concreting of road project sa San Roque St., bangud ba-se sa City Ordinance No. 046-2016 kinahanglan nga magkuha sang construction permit ang mga contractor antes magsugod sa konstruksiyon sang isa ka proyekto.
Nagpasiguro man si Abela nga sarang ma-provide sang talatapan ang certificate of completion sa contractor nga isa sa mga rekisitos agud mahatagan sang construction permit kag mapadayon na ang proyekto nga ginpunduhan sang gobyerno.
Nahibaluan nga ginsuguran ang proyekto sang Pebrero 13 kag nagtakup na ini sang Hunyo 11.
Apang wala ini matapos bangud ginpa-untat sang gobyerno sang syudad ang contractor matapos nga wala nila ma-comply ang rekisitos
