Epekto sang mas manubo nga taripa sang bugas, nabatyagan na – DTI

Kampante ang Department of Trade and Industry nga hinay-hinay na nga nabatyagan sa dako nga bahin sang pungsod ang epekto sang mas manubo nga taripa sang bugas kag iban pa nga mga agricultural product.

Suno sa pag-libot sang DTI sa mga balaligyaan sa National Capital Region subong nga semana, may yara na mga bugasan nga nagabaligya sang tubtob sa P45.00 kada kilo.

Ginpahayag ni DTI Asec. Agaton Uvero nga ang pagnubo sa presyo sang bugas ang masubra duha ka bulan lamang sumugod sang nangin epektibo ang Executive Order 62 ni PBBM.