-- ADVERTISEMENT --
Ginpanginwala ni Senador Francis “Chiz” Escudero nga siya ang nagtinguha ukon naghingyo sang posisyon bilang presiding officer sa impeachment trial batok kay Vice President Sara Duterte.
Sa iya opening speech bilang presiding officer, prangka ini nga ginpahayag ni Escudero matapos ginpili siya sang mayoriya sang mga senador-judges bilang presiding officer sa 12-8 nga boto.
Ginpahanumdoman man sini ang iya mga kaupod nga senador-judges nga indi dapat himuon nga venue sang personal attacks ukon political vendettas ang impeachment trial.
Dugang pa nga ginhingyo ni Escudero sa prosekusyon kag sa depensa nga maglikaw sa paghimo sang mga pahayag sa publiko kag magtutok sa baylo sa mga ebidensya kag sa kasuguan samtang nagapadayon ang trial.
