May yara pa sang bastante nga suporta gikan sa mga kaupod nga senador para magpabilin bilang Senate President si Senador Francis ‘Chiz’ Escudero.
Suno kay Sen.Joel Villanueva, kumpiyansa siya nga makakuha sang bastante nga suporta si Escudero.
Gindugang sini nga naistorya niya ang mayorya sang mga senador kag nagpabutyag sila sang ila suporta.
Mga 13 ka mga senador ang nagpabutyag sang ila suporta kay Escudero nga magpabilin bilang presidente sang Senado.
Nagpabutyag man ini sang suporta kay Escudero bangud sa maayo nga trabaho nga iya napakita.
Suno kay Villanueva nga majority leader sa ika-19 nga kongreso, sa tion nga mag-umpisa ang ika-20 nga kongreso sa bulan sang Hulyo, mangin bakante ang tanan nga posisyon sa liderato sang senado.
Halin sa presidente sang senado, presidente pro tempore, lider sang mayoriya kag lider sang minorya, may yara sang liwat nga pagpili.
