Nagalaum si Impeachment Court Presiding Officer Francis Escudero nga masolbar sang Korte Suprema ang isyu angut sa kinahanglanon nga numero sang boto para sa impeachment trial antes mag-issue sang pinal nga desisyon ang Senado sa kaso ni Vice President Sara Duterte.
Suno kay Escudero, gina-maintain sang impeachment court nga ang kinahanglanon amo ang 16 ka boto—ukon two-thirds sang kabug-usan nga 24 ka miyembro sang Senado santo sa Konstitusyon kag nagaluntad nga mga desisyon sang Korte Suprema.
Gin-athag sini nga apisar 21 lang ang aktibo nga senador sa subong, ang two-thirds vote requirement ang base sa gihapon sa kabug-usan nga 24 ka pwesto sa Senado.
Ginhatagan niya pagtamod nga ginapresentar lamang niya ang iya legal nga interpretasyon kag wala pa nakalab-ot sa consensus upod sa iban nga mga senador sa sini nga bagay.
Dugang pa ni Escudero nga mas maayo nga resolbahon sang Korte Suprema ang nasambit nga isyu samtang nagapadayon ang impeachment trial agud malikawan ang dugang nga legal disputes sa tion nga mag-issue na ang impeachment court sang ila desisyon.
