-- ADVERTISEMENT --
Sa Thailand…Isa ka eskwelahan sa Bangkok,Thailand ang temporaryo nga ginpasarado matapos isa sa kanilang estudyante ang naging positibo sa COVID-19.
Sa report ni Bombo International correspondent Cleo Rose Jondonero, isa ka manunudlo sa Thailand, ginpahayag sini nga isa ka lolo kag lola ang nangin positibo sa Covid-19 matapos nagbakasyon sa Japan kag nalatnan nila ang walo ka tuig nga apo nga naga-eskwela sa Phraharathai Donmuang School.
Bangud diri nadesisyunan sang tagdumalahan sang eskwelahan nga temporaryo nga suspendihon sang duha ka semana ang klase sa kahadluk nga malatnan ang iban nga mga estudyante.
