Target sang Amerika nga tapuson ang ikaduha nga hugnat sang negosasyon sa Iran antes mag-expire ang ceasefire sa Abril 21.
Suno sa report, ang mga opisyal sang administrasyon ni Trump nagapatigayon sang mga paghinun-anon sa sulod para sa posible nga ikaduha nga personal nga pagsinapol upod sa mga opisyal sang Iran.
Nagapabilin man nga bukas si US President Donald Trump sa pagpadayon sang in-person nga negosasyon sa labing madali nga panahon, kon handa na ang Iran nga magtuman sa iya mga ginapangayo.
Sa subong, ginalantaw pa sang mga opisyal ang posible nga petsa kag lokasyon kon mag-uswag ang nagapadayon nga paghambalanay sa tunga sang Iran kag mediators sa rehiyon sa masunod nga pila ka adlaw.
Apang indi pa maathag kun magasunod ang Iran sa mga kondisyon ni Trump sa labing madali nga panahon bangud sa mga nauna nga pagpamatok sang Iran sa pila ka mga demands sang Amerika subong man sa pagsugod sang US military blockade sa mga pantalan sang Iran.
