ROXAS CITY, CAPIZ- Dako ang pinaglain sang mga pamaagi sa pag-edukar subong nga panahon kun ipaanggid sa sadto anay.
Sa interview sang Bombo Radyo kay Mr. John Rey De Los Santos, ESL/Online Teacher, iya ginpahayag nga mas nangin advance na ang mga estudyante sa karon bangud sa digitalisasyon.
Kun sadto mahugod pa sa pagsulat sa tagsa ka mga notebook ang estudyante, sa karon cellphone na ang ginagamit kag gina-piktyuran nalang ang kun ano ang ang nakasulat sa blackboard.
Apang suno sa iya, apisar nga yara na sa digital era, ang misyon sang mga manunudlo nagapabilin sa gihapon sa diin amo ang pagbulig sa mga estudyante nga mahanas kag mahatagan sang kaalam.
Pahayag pa ni De Los Santos, ang pagiging manunudlo indi mahapos, apang bangud sa pagpalangga sa amo nga propesyon, wala sang kapoy kag kabudlay nga nagakabatyagan.
Interviewed by Bombo Sunnie Mae Constantino Batencila
