ILOILO CITY – Isa ka 22-anyos nga estudyante-atleta halin sa Iloilo ang nakahimo sang iya kaugalingon nga treadmill gamit ang kahoy agud mapadayon ang iya training.
Nakilala ang estudyante nga si John Leadro Malojo, isa ka first-year Physical Education student, nga isa ka marathon runner nga wala ginpasugtan nga madelay ang iya training bisan sa tag-ulan.
Bangud sa kakulang sang indoor training equipment, nagpangita siya sang solusyon online kag nakakita sang manual treadmill design halin sa India.
Wala nagduha-duha si Malojo nga himuon ang iya kaugalingon nga bersyon kag ginpahamtang pa ini agud mangin mas hilum kag mas hapos gamiton sa sulod sang balay.
Nagamit siya sang mahogany kag marine plywood agud makabuo sang eco-friendly kag wala nagkinahanglan sang kuryente nga treadmill.
Kaangay sang iya mga produkto ang walking pad nga nagabalor sang P8,000, isa ka manual treadmill para sa intense nga training nga nagabalor sang P12,000, kag isa pa ka modelo para sa mga ido.
Dali ini nakilala matapos niya ini i-post online nga ang iya imbensyon nakaabot sang milyon-milyon nga views kag nakabaton sang mga order gikan sa madamo nga lugar sa pungsod.
Paagi sa bulig sang iya utod, nakabaligya na sila sang 15 ka unit kag kasamtangan nagahimo sang dugang nga 10 ka treadmill.
Suno kay Malojo, ang kada produkto ginagamitan sang proteksyon batok sa anay kag may varnish agud magdugay.
Gwa sa negosyo, daku man ini nga bulig sa ila pamilya bangud siya lang ang nagatun-an sa ila lima ka mag-ulutod.
Ginagamit niya ang ginakitaan agud suportahan ang iya training kag makabulig sa gasto sa balay.
Sa karon nagalaum si Malojo nga makasulod sa Philippine National Team kag mangin isa ka world-class nga marathoner sa palaabuton.
