ROXAS CITY-Nagreklamo sa Roxas City Police Station ang 25-anyos nga estudyante matapos nga ginaalegar ginkawatan sa Deslate Apartment Catmon Street, Barangay Tiza, Roxas City.
Ginkilala ang biktima nga si French Mae Demon sang nasambit nga lugar.
Sandig sa imbestigasyon sang mga kapulisan nga nabugtawan na lamang sang biktima nga wala na ang Laptop sini nga ginbutang sa ibabaw sang lamesa kag P5,000 nga kwarta nga nakasulod sa iya sini nga kahita.
Ginabulubanta nga nagalab-ot sa P25,000 ang bili sang Laptop nga ginapatihan gintaban sang wala matumod nga kawatan.
Ginapahayag nga posible sa bintana nag-agi ang suspek rason nga madasig sini gintaban ang nasambit nga mga kagamitan.
Aminado ang biktima nga wala sini nasiraduhan ang bintana antes ini magtulog.
Sa karon, padayon ang imbestigasyon sang mga kapulisan agud matumod ang amo nga kawatan.
