Estudyante nga ginaalegar nagmaoy sa boarding house, ginhunong sa karsel sang Roxas City PNP

ROXAS CITY – Nakahunong na sa karsel sang Roxas City Police Station ang 19-anyos nga estudyante matapos nga nagmaoy kag nagtuga sang kinagamo sa iya nga boarding sa Barangay 10, Roxas City.

Ginkilala ang nasambit nga persona kay Fredinie Gimoto 19-anyos tumandok sang Barangay Agdahon, Cuartero, Capiz apang temporaryo naman nga nagapuyo sa nasambit nga lugar.

Sandig sa ginpabalhag sa Roxas City Police Station sang caretaker sang boarding house nga si Melyn Desales nga nag-maoy ang nasambit nga estudyante kag nagpang-guba sang mga kagamitan sa nasambit nga boarding house.

Ginsablaw pa ni Desales si Gimoto apang wala ini nagpamati rasun nga ginpakamaayo na lamang sini nga ihunong sa karsel sang Roxas City Police Station si Gimoto.