Estudyante nga ginaangut sa nagalapta nga sex video, nagpangayo sang bulig sa Bombo Radyo

ROXAS CITY – Nagkaisog nga magpalapit sa Bombo Radyo Roxas ang isa ka estudyante sang isa ka unibersidad sa syudad sang Roxas, bangud indi na niya masarangan ang pagbully sa iya sa eskwelahan.

Nagalain ang buot ni alyas Nene bangud ginaakusahan ini nga siya ang babaye sa nagalapta nga sex scandal sa ila nga buluthuan.

Suno kay Nene sa pihak sang iya pagpaathag kag pagdepensa sa kaugalingon nga indi siya ang babaye sa duha ka mga sex video nga nagalapta, masami siya nga ginapabati batian kag ginapakanubo ang iya nga pagkatawo sang iban nga mga estudyante.

Bangud sa tuman na nga naapektuhan ang biktima sa pagbully sa iya sa eskwelahan, nagdesisyon ini nga magpalapit sa Bombo Radyo para mabuligan siya nga matinluan ang iya pangalan.