Estudyante nga nag-alegar gintuyo himuan sang malain sa pagsakay sa itum nga van makilala ang driver kag konduktor kun liwat makita.

ROXAS CITY – Ginlaragway ni alyas Nene nga indi ordinaryo nga driver kag kondukto sang isa ka nagabiyahe nga van ang duha ba-se sa ila ginasuksok nga branded nga bayo, relo kag kutis nga lunsay mga maputi, mataas ang ilong kag singkit ang mata nga kasubong mga manggaranon.
Ginabulubanta nga naga-edad sang 30 pataas ang driver samtang 19-anyos pataas ang konduktor.
Nagapati man ang tagreklamo nga mga pangayaw ang duha ba-se sa ila lengguwahe nga ginagamit.
Samtang nagpa-blotter na sa istasyon sang pulisya si alyas Nene kaupod ang iya pamilya kag temporaryo nga ginpaiway ang pagguwa sa pagkabalaka sa iya nga seguridad.