Pusil sang iya amay nga isa ka manunudlo kag empleyado sang DepEd Region 12 ang gingamit sang estudyante nga nagpangluthang sa Banga National High School sa South Cotabato.
Suno kay Mayor Albert Deocades Palencia sang Banga, South Cotabato, ginpahayag nga ginwasak sang estudyante ang vault kon sa diin ginatago sang iya amay ang pusil antes gindala sa eskwelahan.
Ginpahayag sang alkalde nga ginaalegar ginatudluan sang amay ang estudyante kun paano maggamit sang pusil bangud ginaupod niya ini sa shooting practice.
Dugang pa sang alkalde nga wala madugay antes ang pagpangluthang, ginpaandaman sang estudyante ang iya mga abyan nga magpauli pagkatapos sang panyaga bangud may ginaplano ini nga himuon.
Tatlo ka tawo ang kumpirmado nga napatay sa insidente, lakip na ang student shooter nga ginluthang man sini ang iya kaugalingon, samtang masobra naman sa 10 ang pilason.
Nahibaluan nga miyembro sang isa ka online group ang gunman nga ginatawag “True Crime Community.”
Padayon ang imbestigasyon sang mga otoridad sa insidente, lakip na ang motibo kag posible nga mga kabangdanan nga nag-impluwensya sa ginhimo sang estudyante.
