Gina-imbestigaran sang mga otoridad ang ginaalegar pagkamiyembro sang estudyante nga nagpaluthang sa isa ka eskwelahan sa Banga, South Cotabato sa isa ka online group nga may kaangtanan sa kalakasan.
Suno kay South Cotabato Governor Reynaldo Tamayo, ini ang nakumpirmar matapos naistorya sang mga otoridad ang best friend sang estudyante.
Suno kay Tamayo, padayon pa ang imbestigasyon sang kapulisan sa kaundan kag aktibidad sang online community.
Samtang nagalain-lain naman ang ginreport nga numero sang mga napatay kag napilasan sa amo nga insidente, samtang suno sa DSWD, anum ka mga estudyante ang napatay kag 17 ang napilasan.
Nagpanawagan naman si Tamayo sa mga ginikanan nga siguraduhon nga indi mahapos makuha sang pusil kag iban pa nga delikado nga armas ang mga kabataan.
