ROXAS CITY – Yara na sa hilway nga kondisyon ang 21 anyos nga estudyante nga napiskan sang basiyo sang armas sang aksidente sini nga napalupok nga service firearm sang iya bayaw.
Ginkilala ang biktima kay Julius Kim Gadian, residente sang Sitio Cogon, Roxas City.
Base sa inisyal nga impormasyon, samtang nagahigda na ang biktima, nakabatyag ini nga may tawo sa guha sang ila balay.
Sa iya pagtsekyar, may nakita ini nga tawo nga kasubong may malain nga tuyo rason nga sa iya kakulba, ginkuha sini ang service firearm sang iya tiyo nga si Police Staff Sgt. Glenn Calipayan.
Sa pagkasa sini sang amo nga armas, aksidente ini nga naglupok kag naapukan ang biktima sang slug sa iya nga tiil.
Gilayon man gindapatan sang pagbulong ang biktima matapos ang insidente.
