ROXAS CITY – Arestado sa entrapment operation sang gintingub nga pwersa sang Criminal Investigation and Detection Group (CIDG)-Capiz kag Sigma Municipal Police Station ang Grade 9 student sang Vicente Andaya Sr. National High School matapos ginaalegar nang-blackmail sang isa ka nurse sa banwa sang Sigma, Capiz.
Nakilala ang suspek nga si Emilton Jose Escutin 18-anyos sang Barangay Poblacion, Dao, Capiz nga karon yara na sa kostodiya sang CIDG-Capiz .
Nahinabo ang operasyon sa isa ka remittance center sa diin pagakuhaon na kuntani sang suspek ang P25,000 nga black mail money nga ginpadala sang biktima nga si alyas Ge Roeben apang gin-aresto ini sang mga pulis.
Narekober kay Escutin nga naggamit pa sang ID nga may pangalan nga Carlo Fernandez ang duha ka mga cellphones kag ang pormas sang transaksyon sa nasambit nga remittance center.
