DAO, CAPIZ – Patay ang isa ka estudyante matapos nga ginbuno sang kapareho sini nga estudyante sa banwa sang Dao, Capiz.
Ang wala na ginhingadlan nga biktima ang nagaedad sang 16 anyos nga ginbuno sang 17 anyos nga suspek.
Base sa nakuha nga impormasyon sang Bombo Radyo, sakay sa iya motorsiklo ang suspek sang ginpalapitan ini sang biktima kag ginkompronta bangud sa iya pagpangimon diri.
Apang gilayon nga nagkuha sang kutsilyo ang suspek kag ginbuno ang biktima.
Gindala pa sa ospital ang biktima apang wala na ini nasalbar pa kasunod sa pagdeklarar diri nga dead on arrival.
Sa karon yara na sa kustodiya sang Women and Children Protections Desk sang Dao Municipal Police Station ang suspek kag natalana nga iturn-over sa talatapan sang Department of Social Welfare and Development (DSWD).
