PANITAN, CAPIZ – Patay ang isa ka 1st year college nga estudyante matapos nga aksidente bumunggo ang ginamaneho sini nga motorsiklo sa isa ka bungsod sa Sitio Masiid, Barangay Agkilo, Panitan, Capiz.
Ginkilala ang biktima kay Omark Vasquez, 18 anyos sang Barangay Tabuc Sur, Panitan, Capiz.
Base sa imbestigasyon sang Panitan PNP nga naggikan ang biktima sa ila mismo panimalay kag magapadulong kuntani sa Barangay Quios, Panitan sang hinali na lamang ini nadulaan sang kontrol sa pagmaneho.
Bangud diri, aksidente bumunggo ang motorsiklo sa isa ka bungsod rason nga natumba ang ginasakyan sini nga motorsiklo sa diin nalampos ang ulo sini.
Nag-angkon naman sang pilas sa magkatuhay nga lawas ang biktima.
Gindala pa sa ospital ang biktima apang gindeklarar naman ini dead on arrival sang attending physician.
