Estudyante pilason matapos ginaalegar na hit-and-run sang motorsiklo

ROXAS CITY – Pilason ang 19-anyos nga estudyante matapos nga mabiktima sang hit and run sa Barangay 3, Roxas City.

Ginkilala ang biktima kay Michael Gabriel sang Sitio Homesite, Barangay Lawaan sining siyudad.

Base sa nangin imbestigasyon sang Roxas City PNP nga samtang ginasubay sang biktima ang dalanon sakay sa iya motorsiklo padulong kuntani sa San Roque Extension, hinali na lamang ini nga na-side swipe sang motorsiklo nga ginamaneho sang wala matumod nga persona.

Bangud diri, natumba ang motorsiklo sang biktima kag nag-angkon sang pilas sa lawas.

Samtang, madasig naman nga nakapalagyo ang suspek matapos ang insidente.