-- ADVERTISEMENT --
ROXAS CITY – Pilason ang 18-anyos nga bading matapos nalukpan sang ginaalegar improvised explosive device (IED) sa Sitio Malinong, Barangay Poblacion, Sapian, Capiz.
Padayon nga ginabulong sa ospital ang biktima nga si Nikki Lopez bangud sa naangkon nga pilas sa tiil.
Nagaguwa sa imbestigasyon sang Sapian Municipal Police Station nga nagsulod sa CR sang ila nga balay ang biktima para magpangihi apang kasunod sa pagguwa sini ang mabaskog nga pagsigabong.
Pagkaligad sang pila ka minuto nakabatyag sang sakit sa tiil ang biktima tobtob nakita sini nga nagadugo ang iya tiil.
Gilayon ini nga gindala sa ospital para mabulong ang iya nga pilas.
-- ADVERTISEMENT --
Samtang padayon ang imbestigasyon sang Sapian PNP para matumod kun IED gid man ang nagsigabong.
