Isa ka estudyante gikan sa Glasgow School of Art sa Scotland naghimo sang pinakadaku nga sock monkey sculpture sa kalibutan gamit ang halos 200 feet nga corduroy fabric.
Si Emilia Evans-Munton, nagsugod sang proyekto bilang kabahin sang iya degree show. Wala siya maglaum nga mangin isa ini ka rekord tubtob nga gintudlo sang iya amay nga mahimo ini ang pinakadaku sa kalibutan.
Bangod sini, nagpakig-angot siya sa Guinness World Records.
Ang higante nga sock monkey may kalabaon nga 49 feet kag 6 ka pulgada kag ginsudlan niya sang 40 ka bale sang Dayami.
May yara ini dalagku nga mga butones nga mata nga human sa recycled scaffolding wood, ang kada isa nagatakus sang 1.5 meters ang kalaparon.
Ginpakita ini sa publiko sa Field Maneuvers Festival sa Norfolk, England, sa diin ang mga bisita gin-engganyo nga makig-angot sa higante nga hampanganan.
Suno kay Evans-Munton, ang katuyuan sang iya ubra amo ang ipabatyag sa mga katigulangan ang mangin gamay sa atubang sang isa ka pinakadako nga butang, nga mabuhi liwat ang ila pagkabata kag pagkawili sa mga hampanganan.
Sa subong, ang sock monkey ginkuha na ang stuffing sang sock monkey kag nakatago na ini sa attic sang iya lola.
