Nagpaguwa na sang pahayag si Ethan David, isa ka katapo sang boy group nga GAT, nahanungod sa kontrobersyal nga video nga nag-viral sa social media sang Mayo 7, 2025.
Sa nasambit nga video, kaupod niya sanday BINI Jhoanna, BINI Colet, BINI Stacey, kag professional dancer nga si Shawn Castro.
Ginpakalain sang publiko ang nasambit nga video bangud ginaalegar nga ginayaguta ang sensitibo nga isyu sang grooming kag sexual abuse.
Sa video, makita si Shawn nga nagatindog sa likod ni Ethan kag nagapakuno-kuno nga ginayaguta sia samtang nagahimo sang isa ka gesture nga madamo ang nagaangot sa sekswal nga aktibidad.
Bangud sa tuman nga kritisismo, nagpangayo sang pasaylo ang mga involved sa insidente sang Mayo 8. Suno sa ila, isa lang ini ka pribado nga tion sa tunga sang mga mag-abyan kag wala sila sing tuyo nga maghimo sang isa ka joke gikan sa bisan ano nga seryoso nga isyu.
Sa pinakaulihi nga pahayag ni Ethan, hugot sini nga ginpanginwala ang mga alegasyon nga may kahilabtanan siya sa grooming ukon anuman nga relasyon sa isa ka menor de edad.
Gin-ako man sini nga apektado ang iya mental health bangud sa kadamuon sang kritisismo kag sala nga impormasyon nga iya nabaton online. Ginapanindugan niya nga wala gid sia nagaugyon sa bisan ano nga sahi sang abusado nga pagginawi.
Padayon nga ginapangayo sang grupo ang paghangop sang publiko samtang ginapabilin ang ila panindugan nga wala gintuyo nga malisyoso ang nasambit nga video.
