Dayon ang pagsambuwa sang Pinoy Olympian nga si Eumir Marcial, kadungan sang ginabantayan nga Pacquiao-Barrios fight sa Hulyo-20.
Una nga nakatalana nga kalabanon ni Marcial ang Mexican boxer nga si Alexis Gaytan sa idalom sang undercard fight apang sang ulihi, gin-anunsyo ni Gaytan nga nag-angkon siya sang injury rason nga nag-atras ini sa sambuwa.
Subong man, gilayon nga ginbulos kay Gaytan ang US boxer nga si Bernard Joseph.
Bangud sini, dayon sa gihapon ang nakatalana nga sambuwa ni Marcial, kalinyada si 8-Division world champion Manny Pacquiao.
Sa professional boxing, mas madamo nga sambuwa ang naagyan ni Joseph sa hawid sini nga 11 wins kag 2 losses. Sa onse ka daog, lima diri ang nahimo niya pamaagi sa pag knockout.
Samtang, ang Pinoy Tokyo Olympics bronze medalist ang may yara lamang sang lima ka sambuwa. Tanan ini nahimo nya nga magdaog kun sa diin tatlo diri ang pamaagi sang knockout.
