ROXAS CITY – Presuhan ang ginsudlan sang anay punong barangay sang Barangay Pili, banwa sang Panay, Capiz matapos ang madinalag-on nga drug buy bust operation sang Philippine Drug Enforcement Agency (PDEA) Region 6 sa nasambit nga lugar.
Narekober sang mga otoridad kay anay punong barangay Diaster Genoves 38-anyos ang masobra sa isa ka gramu sang shabu, P500 nga marked money, P6,000 nga budol money, cellphone kag drug paraphernalia.
Ulihi na para makadalagan si Genoves sang magduda nga pulis na ang iya nga ka-transaksyon rason nga wala na ini nakapalagyo sang arestuhon.
Una nga nadakpan si Genoves sa Barangay Punta Tabuc, Roxas City sadong Hulyo 2013.
Nahibaluan nga isa ka bulan pa lamang sang nakaguwa sa presuhan ang anay opisyal apang na-monitor nga liwat nagbalik sa pagbaligya sang shabu rason nga ginpatigayon ang operasyon.
Samtang gin-ako ni Genoves nga nagagamit lamang ini kag indi siya pusher.
