Ginkumpirmar ni Atty. Ferdinand Topacio, abogado ni anay Negros Oriental Rep. Arnolfo ‘Arnie’ Teves Jr. nga makagwa na sa ospital ang iya kliyente.
Suno sa mensahe nga iya ginpakigbahin, na-clear na ang anay kongresista nga makaguwa na sa Philippine General Hospital buwas nga adlaw antes ang paniudto.
Apang, naga-eksperyensya sa gihapon sang abdominal pain si Teves bangud sa iya bag-o lang nga operasyon.
Sa pihak sini, ginakilala sang ila kampo ang ini nga report kag ang pagbalik ni Teves sa prisuhan sa Annex 2 sang Bureau of Jail Management and Penology ukon BJMP sa Bicutan, Taguig City.
Gani bangud sini, ila ginapalab-ot ang ila pagpasalamat ilabi na sa mga doktor nga nagpanguna sa pag-atipan kag pagsiguro sang maayo nga ikaayong lawas sang anay kongresista.
