Temporayo nga nakahilway si anay Undersecretary Lloyd Christopher Lao matapos makapiyansa sang P90,000.
Mahibaluan nga si Lao ang nadakpan kahapon sang mga operatiba sang Crime Investigation and Detection Group (CIDG) sa Davao City kung sa diin siya ang ginapatihan nga nagpanago sang malawig nga panahon sumugod ginpaguha sang Senado ang iya arrest order.
Siya man ang anay pinuno sang Procurement Service sang Department of Budget and Management nga nangin kontrobersyal bangud sa ma-anomalya nga pagsaylo sang pondo sa iya opisina para sa pagbakal sang mga medical supplies sadtong pandemya.
Ang nasambit nga pondo, nagabalor sang P41-B.
Bangud sini gin-imbestigahan sang Senado sa pagpanguna ni anay Senate Blue Ribbon Committee Chair, Sen. Richard Gordon.
Ang nasambit nga isyu ang nangin rason sang graft case nga ginpasaka sa anay DBM executive.
Samtang, ginkasubo naman ni Gordon nga manubo ang bail nga ginhatag batuk kay Lao, bangud suno diri nga kinahanglan nga kaso nga plunder ang ginpasaka batuk sa iya agud wala sang irekomendar nga pyansa.
