Ginkumpirma ni anay Education Spokesperson Atty. Michael Poa nga indi na siya kunektado sa Office of the Vice President (OVP).
Ginhimo ni Poa ang pahayag sa pagdinig subong nga adlaw sang House Committee on Good Government and Public Accountability nga may kaangtanan sa ginapahayag nga sala nga paggamit sang confidential funds sang talatapan ni Vice President Sara Duterte.
Si Poa anay man nga undersecretary kag tagpamaba sang Department of Education ukon Deped sang tiglikom pa sang ahensya si VP Sara.
Sa pagdinig, ginpamangkot ni Rep. Joel Chua si Poa kun yara pa ini sa OVP.
Sabat ni Poa, ang iya consultancy contract ang terminated ukon tapos na.
Sang ginpamangkot naman kun bal-an sini ang estado sang mga taga-OVP nga gin-subpoena sang komite, ginsiling ni Poa nga sang yara sa OVP pa ini, yara man ang mga nasambit nga OVP officials.
Sa karon, indi suno sini mahambal ukon makumpirmar bangud naglaong ini sa OVP bag-o pa ang nakaligad nga hearing sang House Committee.
