Ginbuyagyag sang isa ka grupo nga nagpakilala nga “ex-Marines” sa hearing sang Senado kahapon, nga si former House Speaker Martin Romualdez kag former Senator Antonio Trillanes IV ang gin-alegar nagpakigkita sa mga imbestigador gikan sa International Criminal Court (ICC).
Suno sa isa ka witness nga ginaalegar staff ni former Ako-Bicol Partylist Rep. Zaldy Co, ang grupo sang ex-marines ang nagahatag sang seguridad sa mga dumuluong nga bisita nga nagabiyahe kag nagapakigkita sa mga lokal nga pulitiko.
Ginapahayag man nga natabo ginaalegar pagtililipon sang Disyembre tuig 2023.
Dugang pa niya nagkitaay si Trillanes sa isa ka hotel sa Makati, samtang sanday Romualdez kag Rep. Zaldy Co ang ginaalegar nga nagkigkita sa mga dumuluong sa isa ka townhouse sa McKinley.
Suno naman sa isa ka witness, gin-alegar nga ginapabayluhan niya ang 2 ka maleta nga may unod nga P50 milyon tubtob P60 milyon ang kada isa sa dolyar nga ginaalegar ihatag sa ICC.
Una na nga ginpanginwala ni Trillanes ang mga akusasyon kag gintawag niya ini nga isa ka himo-himo lang agud pakalainon ang proseso sang ICC.
Hugot man nga ginpanginwala sang ICC ang mga alegasyon nga ginapondohan sila sang mga lokal nga politiko kag ginpanindugan ang ila pagka-independent.
