MANILA, Philippines – Nagpanumpa ang anay opisyal sang Metropolitan Manila Development Authority “MMDA”, nga si Roberto Esquivel kag iya asawa nga si Marissa nga ibalik sa gobyerno ang sobra P5.3 milyon nga ginakabig “Unexplained Wealth”.
Ini ang naguwa matapos gin-aprubahan sang Sandiganbayan Fourth Division ang ila Motion to Withdraw the Appeal kag magbalik na lang sang kantidad nga P5,307,079.70.
Base sa desisyon sang Regional Trial Court of San Pedro Laguna sang Enero 18, 2023, ginpahayag nga P6,859,589.70 ang “Ill-gotten Wealth”, sang mag-asawa. Apang ginrecompute ini pakadto sa P5,307,079.70 matapos sila nag-file sang motion for reconsideration.
Wala ginbanggit sang Sandiganbayan ang detalye kun paano nakuha ang amo nga “unexplained wealth.”
Sa masunod nga tikang, ginpaabot sang mga respondent ang kaso sa Court of Appeals of the Philippines sang Pebrero 11, 2025, apang ginpanginwala ini sang ika-11 nga Division, nga nagasiling nga ang Sandiganbayan ang may hurisdiksyon sa amo nga kaso.
Sang Hunyo 18, 2025, nag-file naman sila sang Motion to Withdraw the Appeal sa RTC sang San Pedro kag naghangyo nga bayaran na lang ang bug-os nga kantidad suno sa Republic Act No. 1379.
Lakip man sa ila ginpangayo nga mapahalin ang writ of attachment sa ila mga propiedad kag ma-release ini matapos ang pagbayad.
