ROXAS CITY – Boluntaryo nga nagsungka sa Cuartero Municipal Police Station ang 40-anyos nga anay katapu sang New People’s Army (NPA).
Ginkilala ini kay Arsenio Magbanua alyas Gamay sang Barangay Putian, Cuartero, Capiz, anay section kadre, squad leader, platoon finance kag logistic officer sang rebelde nga grupo nga naga-operate sa kabukiran sang probinsiya sang Capiz.
Gin-updan si alyas Gamay ni punong barangay Ness Fuyonan sang Barangay Putian, Cuartero sa iya nga pagsungka sa mga pulis.
Nahibaluan nga tuig 2016 sang wala na masyado nagaupod sa hublag si alyas Gamay tobtob nagdesisyon nga magsungka na lamang sa mga otoridad para magbag-o sang kabuhi.
Matapos nagpaidalum sa debriefing ginpapuli man ini sang pulisya.
Samtang magabaton sang bulig pinansyal gikan sa gobyerno si alyas Gamay matapos makumpirma sa validation nga ini ang anay katapu sang NPA.
