Ginkakibot sang anay Overseas Workers Welfare Administration (OWWA) adminstrator nga si Arnell Ignacio ang pagpamatbat sa iya sang kaso bangud sa pagbakal sang ahensiya sang P1.4 bilyon nga balor sang kadutaan.
Ginsiling sini nga sang 2018 pa naguha ang nasambit nga plano sang tyempo nga siya ang deputy administrator pa lamang.
Kaupod nya ang pila ka mga opisyal sang Overseas Workers Welfare Administration (OWWA) sa hearing sa senado sa nasambit nga isyu.
Hugot nga ginhambal sini nga wala sang ano man nga iregularidad ang nasambit nga kontrata bangud sa ginpakig-angot pa ini nila sa Department of Budget and Management (DBM), samtang ang balaklon nga kadutaan sa may Ninoy Aquino International Airport (NAIA) terminal 1 mismo ang LandBank ang nagpatigayon sang evaluation kun sa diin nakakuha sila sang permit sa Civil Aviation Authority of the Philippines (CAAP).
Ang nasambit nga kadutaan ang patindugan kuntani sang mga madalian nga palahuwayan sang mga magapauli nga overseas Filipino workers (OFW).
