Ginmandu sang korte ang pag-aresto sa anay Philippine Charity Sweepstakes Office (PCSO) general manager Royina Garma sa kaso nga pagpatay kay PCSO board secretary Wesley Barayuga sadtong tuig 2020.
Sa arrest warrant nga gin-isyu sang Mandaluyong Regional Trial Court (RTC) branch 279, ginamanduan man nga arestuhon ang anay National Police Commission (NAPOLCOM) commissioner Edilberto Leonardo, police officials sanday Jeremy Causapin, Santie Mendoza, kag Nelson Mariano sa kaso nga murder kag frustrated murder.
Suno kay PNP spokesperson Brig. Gen. Randulf Tuaño, iserbe nila ang nasambit nga mandamiento de aresto ano man nga posisyon ang unod sini.
Sa lima ka mga akusado, si Mendoza lang ang yara sa floating status sa idalom sang kustodiya sang Personnel Holding and Accounting Unit (PHAU) samtang ginpahalin sa serbisyo si Mariano kag nag-resign sa pwesto si Causapin.
Madumduman nga ginluthang si Barayuga samtang yara sa sulod sang iya salakyan sang wala makilala nga mga suspetsado nga nagasakay sa motorsiklo sadtong Hulyo 30, 2020 sa Mandaluyong City, sa diin nakaluwas ang iya driver.
