Pila ka mga sources ang nagkumpirmar nga nakaguwa na sang Pilipinas si anay Police Colonel kag PCSO General Manager Royina Garma.
Suno sa source November 7, 2024, sang nakaguwa sang Pilipinas si Garma kaupod ang bata sini padulong sa Washington DC.
Ginatudlo ni Garma si anay Presidente Rodrigo Duterte nga yara sa likod sang extra judicial killings sa ginpatuman sini nga drug war.
Ginhilway si Garma halin sa kustodiya sang House of Representatives matapos ini nga magpromisa nga magatambong sa pagdinig sang Komite kun ini ang paga-imbitahan.
Sa nakaligad nga pagdinig sang Komite, gin-ako sini nga may reward system nga ginpa-iral ang Duterte administration kun may napatay nga mga drug suspeks.
Ginbuyagyag man ni Garma nga ang anti-drug war sang Duterte administration nga pattern sa “Davao model.”
