“Maghanapbuhay ka, negosyo, basta mabuhay ka lang mapayapa…”
Ini ang mga tinaga nga ginbuhian ni PRD sa iya anak nga si Vice President Sara Duterte.
Suno sa anay pangulo nga si Rodrigo Duterte mas maayo nga magpangabuhi na lamang ini sang malinong kag buhian na ang politika.
Sa isa ka press conference naghatag sang mensahe si Ex-Pres. Duterte kay VP Sara kag ginsiling nga magpasalamat na lamang ini bangud nangin presidente siya sang pungsod kag ini man ang nangin bise presidente.
Mahibaluan nga sa nagapangatubang sa karun sa kontrobersiya si VP Sara sa tunga sang pag-imbestiga sang House Committee on Good Government and Public Accountability confidential funds sang Office of the Vice President (OVP) kag mangin sang Department of Education (DepEd) sadtong siya pa lamang ang secretary sang ahensya.
Samtang, ginpanginwala naman sang damlag lang sang bise presidente nga nag-angkon siya sang sala nga paggamit sa pondo kag ginsiling nga ang nasambit nga imbestigasyon sang Kamara isa lamang ka-“pamomolitika.”
