Ginpabakod pa sang Appeals Chamber sang International Criminal Court (ICC) ang jurisdiction sang korte sa kaso ni former President Rodrigo Duterte nga crimes against humanity.
Sa first ground, ginbasura sang ICC Appeals Chamber ang petition sang kampo ni Duterte nga nagatuyo nga ipa-dismiss ang kaso batok sa iya sa rason nga kakulangan sang jurisdiction.
Ang una nga ground sang appeal naga-kwestyon sang misapplication sang ‘lex specialis’ ukon specific law sa context sang withdrawal sang Pilipinas sa Rome Statute kadungan sang drug war sang Duterte administration.
Suno kay Presiding Judge Luz del Carmen Ibáñez Carranza, wala sila sang sang nakita nga ‘error’ sa interpretasyon sang Articles 12 kag 127, gani unanimously ini nga ginbasura sang korte.
Wala ginhatag sang International Criminal Court (ICC) Appeals Chamber ang “by majority” sang second ground of appeal ni former President Rodrigo Duterte nga nagakwestyon sa jurisdiction sang international tribunal sa iya kaso nga crimes against humanity.
Apang santo sa International Criminal Court, ang amo nga mga argumento ang wala nagahatag sang bastante nga mga rason agod baliskaron ang nauna nga desisyon.
Sa ikatatlo nga ground, gin-reject sang ICC Appeals Chamber kag ginpanindugan nga may yara sang gina-alegar mga iregularidad sa imbestigasyon nga ginhimo sang prosecution, lakip na ang pamaagi sa pagtipon sang ebidensya kag pagpatigayon sang proseso.
Suno sa Appeals Chamber, ginpatigayon ang imbestigasyon sa sulod sang gintalana nga legal standards sang ICC kag wala sang may nakit-an nga paglapas nga makaapekto sa kabug-usan nga integridad sang kaso.
Sa ika-apat kag katapusan nga Ground, ginbasura kag ginpabakod sang ICC Appeals Chamber ang desisyon sang Pre-Trial Chamber I nga nagatuyo kuntani nga i-nullify ang hurisdiksyon sang korte sa kaso kag pauntaton ang imbestigasyon sa drug war.
Ini nga ruling ang nagakahulugan nga magapadayon ang proceedings sa kaso ni Duterte lakip na ang ginabantayan nga desisyon sang Pre-Trial Chamber I.
Nahibaluan nga wala nagtambong si Duterte sa hearing matapos nga gin-request sini nga i-waive ang iya appearance.
Matandaan nga ginkasuhan si Duterte sang three counts of murder bilang ‘indirect co-perpetrator’ sa mga pagpamatay nga ginhimo kadungan sang drug war sang siya pa ang Presidente sang Pilipinas.
