Ginpakamalaot ni former Presidential Legal Counsel Salvador Panelo ang dalayon nga pagkakas kay Vice Pres. Sara Duterte sa National Security Council (NSC).
Gintawag ni Panelo ang amu nga tikang bilang politically-motivated kag ill-advised.
Suno pa sa batikan nga abogado, ang ginhimo nga tikang amu agud takpan ang matuod nga target sang administrasyon kag ini amu si VP Sara.
Mahibaluan nga magluwas kay VP Sara, ginkakas man sanday anay Pangulong Gloria Macapagal Arroyo kag Joseph Ejercito Estrada.
Apang pahayag ni Panelo ang pagkakas sa duha ka anay pangulo amu agud matakpan ang pag-target kay VP Sara kag wala indi hayagan nga ipakita sa publiko nga siya nga ang bise presidente ang nagapanguna nga target.
Una nga ginpaguwa ni Pangulong Marcos ang Executive Order No. 81 s. 2024 nga nangin basehan sang amu nga tikang.
Sandig sa nangin opisyal nga pahayag sang Malacañang sang tinalikdan nga inadlaw Enero 3, wala suno diri ginakunsiderar si VP Sara bilang ‘relevant’ ukon santo sa mga responsibilidad nga ginatungdan sang konseho.
Suno naman kay National Security Adviser (NSA) Eduardo Año nga nagaserbe man bilang NSC Director General, ang nangin tikang sang Pangulo ang bilidhon agud mas mapapag-on pa ang formulation ukon pagtukod sang mga polisiya nga naka-apekto sa national security, sandig man sa gahom kag responsibilidad ni Pangulong Marcos.
